Selstøbuene og kverna

Etter at tyskarane jamna Telavåg med jorda, sto det nesten ingen bygg att. Men to gamle notbuer vart ståande på Selstø. Dei er nemnd i kjelder frå 1600-talet, og har vore i vekslande bruk sidan da. Dei er no restaurert, og tilgjengeleg for publikum. Ei gamal kvern ligg og i landskapet her. Den er restaurert til fungerande stand, og ved spesielle høve vert ho demonstrert i all si støyande prakt.